02 May 2025: Vawiin khan Vanva Group YMA humhalh, Phungchawng li, Vanva luiah Closed Circuit Television (CCTV) Solar Operated vuah niin George Lalnuntluanga DFDO Hnahthial chuan heng CCTV te hi install sakin a telpui. Hriat theih chinah Lunglei district-a lui humhalh CCTV Solar operated hmang hmasa ber an ni.
Pu George Lalnuntluanga chuan, Vanva group YMA ten lui humhalh nachang an hria chu lawmawm a tih thu sawiin, Tunlai thiamna hmang ṭangkai a CCTV hmanga in vil zui thei tur hian hahdamna leh samkhaina a pek che u bakah thuawihlo, pawikhawihtute nasa takin a dang chep dawn a ni a ti.
Pu R. Zothantluanga President chuan, Fisheriest Dept lamin min ngaihtuah thin a, lawmthu kan sawi a, tun ṭumah pawh thilpek nen min rawn telpui a, PHE thlengin min hnatlan puiin kan mamawhte min ngaihtuahsak bawka kan lawm hle a ni, a ti bawk.
Vanva luia Phunchawngli hi Vanva Group YMA te hian kum 2012 aṭang khan an lo enkawl a, an hmalakna avang hian luidung sangha leh nungcha te pawh hmuh theih khawpin an inthlahpung tawh a ni.
