Veng chhung kawng khuar hnawh

15 Oct 2026: Tunlai hian Lunglei khawpui chhung kawng chu hmun hrang hrangah a chhe leh hle tawh a, hetiang anih avang hian Lunglei hmar lama awm Bazarveng Local Council member-te chuan an veng chhunga kawng chhia siam hna an thawk.

Lunglei Bazarveng Local Council member-te hian hlawhfa la lovin an mahni in an veng chhunga kawng khuar nasa laite chu Crusher Balu hmanga hnawhin an chhu bel nghal a. Sum an neih loh avanga an duhthusama kawng chhia chu an siam theih loh thu leh an veng chhunga kawngpui chu khuar a nasat tawh laia Sawrkar hmalakna a awm theih si loh avangin, lirthei veivakte tan tlan a nawm deuh nan leh khawpui hmel a mawi theih nan an pawisa neih ang anga an siamthat thu L.C member-te chuan sawiin, vawiin lama an thawh bak pawh naktuk lamah chhunzawm leh an tum thu an sawi.