Nimin Sept ni 6, 2023 khan Mizo Zirlai Pawl Headquarters: Lunglei buatsaihin hruaitu hluite thlahna leh Students’ Union Leaders thlan tharte lawmpuina hun LZ resort-ah neih a ni.
He hun hi Johan Hmangaihzuala, Treasurer-in a kaihruai a, President Lalpeksanga Chenkual chuan, SU thlan tharte chu Zirlai tamtak zinga hruaitu ni tura thlan an nih anga an zirlaipuite leh an zirna In tan theihtawp chhuah turin a chah. Hruaitu chuan mahni inchhi ralin a hruaite tan theihtawp chhuah a tul thu a sawi.
Hruaitu hlui, MZP Hqrs Lunglei President lo ni tawh Pu Lalbiakchhunga Ralte, Pu Eric R Zomuanpuia leh Pu Lalrammuanawma rawngbawlna zau zawk nei tura Political Party a lut ta te hnenah ngaihhruina thuziak hlan a ni.
Lunglei huamchhung College MZP Headquarters: Lunglei a in affiliate Student’ Union Leaders thlan tharte- Lunglei Government College, Government J.Buana College, Mizoram Polytechnic Lunglei leh Kapthangi College Lunglei te hnenah lawmpuina thuziak an hlan a, tlaiah chawhlui an kilho a ni.
