Skip links

“ZPM lakah bat kan nei tawh lo” “Min fahrah hrawn” an ti

20 Jan 2025: Vawiin chawhma dar 11:00 khan Mizo Hnam Run Lungleiah chhung inkhawm leh political session hun hman a ni a. He hun a thusawitu MNF Sub Hqrs Lunglei Vice President Pu Chawngthanmawia chuan, July 2, 2024 a Council of Minister te Lunglei a an rawn thutkhawm tum khan HPC Chairman  Pu Lalduhoma Chief Minister ni bawk chuan, Lunglei District mipuite hnenah tha ba an ngah thu leh Council of minister meeting pawh an nghah thu a sawi a, kha thu a sawi lai khan Lunglei mipuite lawm avangin kan tho suau a. High Powered Committee pawh Legislate hial kan beiseiin lawm takin kut kan beng hial anih kha. Mahse, kumkhat em pawh a ral hma December 23, 2024 a COM meeting chuan ‘Dissolution of High Powered Committee Lunglei tih chu agenda-ah an nei duh leh ta zawk a ni, a ti a. YMA Sub Hqrs Lunglei hmalaknain NGO’s Committee rang taka din niin min thiahsak lo turin ngen nghal ni mahse, zirchian anih tur thu chu chhanna kan hmuh a ni. Chuvangin, Local Council/Village Council inthlan lo awm turah hian ZPM lakah mipuiten bat kan nei tawh lo tih hi Lunglei District mipuite hian I hrereng ang u”  Pu Chawngthanmawia chuan a ti.

20 Jan 2025: Lunglei District Congress Committee chuan vawiin chawhma dar 11:00 khan kumthar atana inhlantharna hun leh Political Session hun an hmang a. He huna thusawitu LDCC Treasurer Pu Eric R.Zomuanpuia chuan, min duhsak tak anga insawi Party hian min fahrah hrawn a, min suam mawlh mawlh mai zawk chu a ni e! VC term ni se mipuiin term tluan hmang turin kan thlang a, sawrkarin kum chanve lai pawhtawi sakin VC term thlengin a suam duh a ni, keini  Congress Party chuan suamhmang rorelna hi engtikah mah kan kalpui ve ngai dawn lo, a ti.

This website uses cookies to improve your web experience.
Home
Account
Back