15th Sept ‘21 – 2nd Feb‘24 chhungin Mizoram-ah lirthei chetsualna avangin mi 130-in nunna an chân
12 Feb 2024: Tukin khan Lunglei Venglai Traffic Point-ah “I him theih nan Traffic Rules te \ha takin zawm \hin ang che” tih thupuia hmangin ‘Road Safety Month 2024 & No Tolerance Week’ observance programme hman a ni a. Lunglei District Bawrhsap leh District Road Safety Committee Chairman ni bawk Pi Ramdinliani IAS chuan programme kaihruaiin; Lunglei South bialtu MLA Pu Lalramliana (Papuia) chuan khuallian niin programme a hmanpui a, ‘No Tolerance Week’ hawnna ribbon a chepchat nghal a ni.
Pu Papuia chuan man hlauh avang chauhva Dàn zawm kan nih chuan kan Motor Vehicle Act leh Traffic Rules te hian awmzia a nei thui lovang, Dàn te hi keimahni himna atana zawm tura siam a ni a, duty awm lai chauhva zawm, awmloh veleh zawm leh lo kan nih chuan lirthei chetsualna avangin nunna hlu tak kan la inchân zel ang tih a hlauhawm hle a ni, a ti.
Superintendent of Police Pu Rahool Alwal IPS pawhin thu sawina hun hmangin, India ram state dangte ngaihtuah chuan Mizoram chu Traffic Rules zawm \hatna berte zing ami a ni na chungin Lunglei District-ah kum 2022 khan lirthei accident avangin mi 2-in nunna an chân a, kum 2023-ah erawh chuan mi 7 laiin nunna an chân a ni. Chuvangin, mitinin \ha takin Dàn zawm ila, i fimkhur hram hram ang u, a ti.
Lunglei DTO Pu Beitlotha Nohro MCS pawhin report pekna hun leh mipui Road Safety Pledge laktirna hun a hmang bawk.
Report-a tarlan danin Lunglei DTO Office hian January 1 – December 29, 2023 chhungin Tax & Vehicle Fees a\angin Rs 1,99,59,517 an lalut a. Lirthei chi hrang hrang 2,214 register niin, Driving Licence 2,315, Learner License 3,623 leh Conductor Licence 2 pekchhuah a ni bawk.
Lunglei DTO Pu Beitlotha Nohro chuan IRAD (Integrated Road Accident Database) Mizoram-in a tarlan dan sawiin, 15th Sept 2021 – 2nd Feb 2024 chhungin Mizoram-ah lirthei chetsualna vawi 372 a thleng a; mi 130 in nunna an chân a ni. Lirthei chetsual tamna ber hi Lunglei District niin, vawi 100 a thleng a ni.
