Ruihhlo avanga boral mi 2,000 chuang tawh

15 Oct 2026: Nimina Ruihhlo Do leh Mizoram Building & Other Construction Workers Welfare Board (MBOCWWB) awareness campaign; Govt. Champhai College-a neihah Excise & Narcotics Department Jt. Commissioner Pu Peter Zohmingthanga chuan powerpoint presentation hmangin Mizoram-a ruihhlo hluar dan leh a nghawng tha lote a sawifiah a.

December 31, 2025 thlenga chhinchhiah danah Mizoramah Injecting Drug Users (IDU) 12,839 an awm a, kum 1984 atanga October 7, 2026 chhung khan ruihhlo avanga boral mi 2,051 an awm tawh a, mipa 1,799 leh hmeichhia 252 an ni tih a tarlang. Survey Report on Drugs and Children in Mizoram 2022-ah chuan Mizorama middle school zirlaite (kum 10-14 inkar) pawhin cannabis an hmang tan tawh tih tarlan a ni bawk.