03 Oct 2025: District Agriculture Office, Lungleia thawktute chuan vawiin khan khaw hrang hrangah loneitute nen Sazu hrai hna an thawk a, Mamte khua leh Thlengang khua te erawhin sazu hrai an duhlo.
District Agriculture Office Lungleia thawktute hi Pu K.Lalrinfela ADAO hova thawk chhuakin, Tawpui North-I, Tawipui North-II, Mualcheng South, Thingfal, Mamte, Thlengang leh Ramlaituia loneitute buh Sazu-in a seh chhiat sakna hmunte tlawha enfiahin, sazu-in an buh leh thlaite a seh chhiat zel loh nan loneitute nen hian tur hmangin sazu hrai hna an thawk a ni.
Hetihlai hian Mamte khua leh Thlengang khuaa chhungkaw pasarih te tih loh chuan buh seng a hun mai dawn avang leh riak luta buh seng angaih dawn avangin lo lama an ei leh in tur thlai leh tui tlan tur laka an him zawk theih nan buh sehtu sazu hrai chu tha an ti lo tih Agriculture Department thawktute hi hrilhin, Department-a thawktute pawhin an duh lo chung chu an tih luih theih anih loh thu an sawi.
