29 May 2024: Cyclone Remal avanga Aizawl khawpui leh a chhehvela chhiatna hrang hrang thlenga nunna chân zat chu mi 27 an tling tawh a, ruang zawn mek mi 7 vel an la awm nia hriat a ni.
Thudawnnain a sawi danin ruang hmuh tawh dan hetiang a ni:- Melthum 15, Hlimen 5, Salem 3, Falkawn 2, Kelsih 1 leh Lungsei 1. Ruang la hmuhloh leh la zawn tur chu Hlimen 1, Melthum 4 leh Aibawk 2 ni-a thudawn a ni.
Ruang la hmuh lohte hi naktuk lamah zawn chhunzawm leh turin Central YMA chuan ruahmanna a siam a, hnatlang turin Branch YMA te ruat an ni a, tlawmngaia thawk chhuak turin an inngen a ni.
Melthum-a hnatlang turin Branch 10 leh Hlimen-a hnatlang turin Branch 5 te ngen an ni.
