AOC YLA Branch-te’n Tata Yodha-10 an man chungchang sawiho

15 Oct 2026: Vawiin khan Lawngtlai Bawrhsap Pu Donny Lalruatsanga hovin a Office Chamber-ah AOC YLA Branch-te’n Tata Yodha – 10 an man chungchang sawihoin an thukhawm.

Thukhawm chuan sumdawnna kalpui chungchangah District Magistrate-  thuchhuah awm tawh chu tha  taka kenkawh ni se, hemi atan hian kawng engkimah thawhho ni se an ti, a. October  Ni 13,  zinglam dar 2- 3 inakara AOC YLA Branch ten Tata Yodha – 10, Aizawl lam atanga lokal an man chu Enforcement (DTO) kutah hlan a nih thu ngaihthlak a ni a. District Magistrate thuchhuah palzûta dan lova lokal a nih angin pawi an tih thu an sawi a. Hemi chungchangah hian a Dealer  – ten intiamkamna an nei thei a nih chuan lirtheite hi thawn let ni se an ti a ni.

Pu Donny Lalruatsanga chuan raltlante mumal zawka khuahkhirh leh Myanmar nena sumdawnnaah fimkhur taka hmalak mek a ni, a ti a.  A bik takin raltlante tan inkhuahkhirhna leh sumdawnna kalpui chungchangah mumal taka dan siamfel tawh a nih thu a sawi a. Hemi atan hian LADC nen pheikhairual taka thawhho niin, NGOs ten thahnem ngai taka an thawhpuinaah lawmthu a sawi bawk a ni. Lirthei lut leh chhuakah  thuneitu hriatpui lova endik leh pawisa lak ching an awm thin nia thuthang awm chu mimal taka pawi a tih thu sawiin, hetiang zawnga hmalak chingte zawnchhuah leh dan anga hmalak a nih tur thu a sawi  a. Bawrhsap chuan dan lova lirthei lo lut kan tur a awm fo chu pawi a tih thu sawiin,  leh thupek kenkawh kawngah District Administration-in theihtawp a chhuah zel dawn tiin, sawrkar hmalakna lo tawiawm fo turin Tlawmngai Pawl leh Lawngtlai mipuite a sawm nghal bawk.

CYLA hruaitute chuan dan lova sum leh pai khawn chungchangah theih ang anga hma an lak mek thu an sawi a. Dan leh thupek kenkawh kawngah District Administration- hmalakna an thlawp tlat thu tarlangin, an theih chin chinah chak taka hma an lak zel tur thu an sawi a ni.

Thutkhawmah hian Addl. DC;  Addl. SP; Enforcement (DTO); MJA leh  CYLA- hruaitute an tel thei a, Bawrhsap chuan lawmthu sawiin hun a khar.