11 Sept 2024: Vawiin khan Indian Council of Agriculture Research (ICAR) Research Complex for NEH Region, Mizoram Centre Kolasib, District Animal Husbandry & Vety, Lunglei leh Krishi Vigyan Kendra (KVK) Lunglei te buatsaihin District Animal Husbandry & Vety Conference Hall, Lunglei-ah Livelihood Improvement of Tribal Farmers through Backyard Poultry Farming cum Input Distribution hun hman a ni.
He programme hi Tribal Sub Plan (TSP), Ministry of Agriculture & Farmers Welfare, Gov’t of India hnuaia buatsaih a ni.
Dr Lalmakthanga, Jt. Director (Southern Zone), A.H & Vety Lunglei chuan, Lungleiah Ar 48,000 vel vulh ang leh thla tin Ar 13,000 talh ang anih thu a sawi a. Ram dang atanga ar la lut lo va, mahni vulh ngeia intodelh chu mi rama sum luang chhuak tur venna leh mahni ram chhunga sum che vel tih tamna anih thu sawiin, chu chu ram sum leh pai dinhmun tiziaawmtu anih theih tur thu a sawi a ni.
Chawhnu lama technical session neihah Dr David Malsawmdawngliana, SMS (Animal Science) KVK Lunglei leh Dr Bless-a Sailo, Sr. Scientist (Vety. Public Health) ICAR Kolasib te chuan ran vulh enkawl dan leh ei tur pek dan chungchangah zirtirna an pe a; kalkhawmte hnenah hian Ar note, a chaw pekna leh tui pekna bakah damdawi te an pe bawk a ni.
