Art and Culture Department Minister-in District Museum Lunglei Building thar a hawng
19 Juy 2024: Rs Nuai 900 chuang senga sak District Museum Lunglei Building thar Sazaikawn a mi chu vawiin chawhnu dar 1:00 khan Pu C.Lalsawivunga Art and Culture Department Minister chuan a hawng.
Hawnna inkhawm Museum Building Auditorium a neih Pi Florence Zotluangpui, Secretary Art and Culture Department kaihhruaiah khuallian Minister chuan, Museum hnathawh ropui zia mi tam takin kan hre tawklo thin a, thil hlu leh rotling kan hmuh theihloh leh hriatchian loh tam tak min phochhuah saktu a ni a ti a, Museum a kan hnam nunphung hmuh theih leh khawih theih te, hmuh theih leh khawih theihloh kan hnam nun zemawi chanchin te hian kan hnam nun vawnghima Zonun zemawi chawinun zelna kawngah min tiharh theuh rawh se, a ti.
District Museum Lunglei Building thar hi Okahito Consultancy Services Khatla Aizawl te chuan kum 2019 atang khan sa tanin thla 24 chhunga sak zawh tur tih nimahse Covid hripui avanga hun engemaw chen hnathawh theihloh a nih avangin March ni 8,2024 khan hawn theih a zawhfel a ni a, a sakna atan hian Rs Nuai 919, Sing 1, Sang 3 sen a ni. Building len zawng hi Square Metre 1660 niin, Museum Gallery Pasarih bakah room chi hrang hrang thahnem tak leh Multupurpose Hall leh Cafetari awmin Lift dah a ni bawkin Building hi Zopa chhiara chhawng thum a ni a, Museum en man hi Puitling tan Rs 20 leh Naupang tan Rs 10 a ni. Museum a Gallery zawng zawng leh Multipurpose Hall-ah te AC dah vek niin, Floor tinah Kangthelhna hmanrua dah anih bakah CCTV 51 vuah a ni bawk.
