21 Oct 2024: Home Minister Pu K Sapdanga chuan tun hnaia Power Minister Pu F Rodingliana leh amah zuitute laka Assam Rifles chet dan chu an dem tih a thuchhuahah a tarlang.
He thuchhuah ah hian, Home Minister chuan, October ni 17-a Power Minister leh amah zuitute laka Assam Rifles chet dan ah, vawiin khan a thawhpui Minister te nen an sawiho tih tarlangin, an thawpui chunga hetiang thil thleng hi a pawi an tiin an dem a, hetiang thil hi thleng tawh lo se an tih thu a tarlang. He thil thleng leh thil pawimawh dangte chu Chief minister Pu Lalduhoma’n Assam Rifles hotupa ber Director General chu New Delhi-ah a sawipui dawn tih tarlangin, Pu F Rodingliana thlavang hauhtu zawng zawngte chungah a thawhpuite aiawhin lawmthu a sawi a ni. (DD)
