Aug ni 4 – 9, 2024 chhungin Mizoramah ruah tam tak sur thei niin tarlang

awrkarin thu a chhuah danin; National Forecasting Centre, Indian Meteorological Department, Ministry of Earth Sciences-in All India Weather Summary And Forecast Bulletin dated August 3, 2024 hmanga thu a chhuah angin August ni 4 atanga ni 9 inkarah Mizoram-ah ruah nasa tak (7 cm) sur thei dinhmunah a ding mek a; thlipui leh ruah thawk thei a nih bakah tek nasa tak tla thei a ni bawk. Tin, ruah nasa taka sur chhunzawm thei a ni bawk. Tin, August ni 12 thleng ruah nasa taka sur chhunzawm thei ni-a thlir lawk a ni bawk.

Hetiang a nih avang hian chhiatna laka kan him theih nan chhungtinte a theih ang anga fimkhur lehzual turin kan inngen nawn leh a ni.

Chhiatna thleng palha harsatna tawkte chu State Emergency Operation Centre (SEOC), Mizoram – 112/ 1070 (Toll Free) leh mahni District Emergency Operation Centre (DEOC)/D.C Office theuhte englai pawha biak pawh theih reng an ni a; rang taka hriattir tura ngen kan ni.