14 May 2025: Tukin zing khan Bazarveng MUP chuan nakum 2026-a an Golden Jubilee lawmna tur pualin faina hnatlang an thawk.
MUP Bazarveng Faina hnatlang puala inkhawm tawi hmanpuitu Er.ZR.Thasangzuala, E.E, PHED, RWD chuan Bazar Veng MUP-te’n an Golden Jubilee nakuma an lawm tur puala faina hnatlang an thawk chu lawmawm a tih thu sawiin, faina hi hriselna leh hmasawnna a ni, a ti.
MJA Lunglei President Pu H.Lalthansanga pawhin thu sawiin, MUP Bazarveng ten midangte entawn tura faina hnatlang an buatsaih chu fakawm a tih thu leh Golden Jubilee hlim tak leh tluang taka an lawm theih nan duhsakna a hlan a ni.
Pu Lalzuithanga LMC Chairman pawhin, faina kawngah mitin te kan tanrual chuan Bazarveng chauh ni lovin Lunglei khawpui hi a fai ang a ti.
Faina hnatlang pual inkhawm tawi neih hi Pu ZD Lalthlamuana, President MUP Bazar Veng-in a kaihruai a, Bazar Veng Local Council Chairman Pu Biakthankima pawhin a telpui a ni.
