Bomb hmanga beih hriatrengna ‘Zoram Ni’ hmang

06 March 2026: Nimin, ni 5 March, 2026 (Ningani) khan Mizo Zirlai Pawl Headquarters:Lunglei chuan India Sorkarin Mizoram bomb hmanga a beih hriatrengna hun ‘Zoram Ni’ MZP Pisa Venglai-ah a hmang a. He hun hi Pu Lalramthanga Chinzah in kaihruaiin resource person atan Pu V. Rokhawlkima Adviser MZP Hqrs.:Lunglei chu hman a ni.

Resource person Pu V.Rokhawlkima chuan ‘I Ram leh Hnam Humhalh La Khawvelin A Dem Lovang Che’ tih thupui hmangin thu a sawi a, Zoram Ni hman chhante leh ram leh hnam humhalh a ṭul zia thute a sawi a. Ram leh hnam humhalhna atana thil ṭul hrang hrangte tarlangin, kan ram leilung humhalh, hnam inpumkhatna neih, Mizo ṭawng humhalh, mahni hnampuite ngei nupui pasal neih leh fa neih tam bakah Mizo hming hawh a sumdawnna tih tawp chu thil pawimawh tak anih thu a sawi bawk a ni.

Zoram Ni hi Lunglei-a College hrang hrang zirlai hruaitute nen hman a ni.