CBI-in Mizoram chhunga Investigation an tih theih nana general consent pe let leh tura ngenna thehluh
July 10, 2024 : MPCC Vigilance Cell-te chuan vawiin chawhma khan Chief Minister Pu Lalduhoma hnenah CBI-in Mizoram chhunga Investigation an tih theih nana general consent pe let leh tura an ngenna lehkha an thehluh hnuin Aizawl Press Club-ah thuthar thehdarhtute an kawm a, he hunah hian Chief Minister mai bakah Larsap ngei pawhin CBI-te chu eirukna chhui tura koh luh an ni dawn tih a sawi tawh thu tarlangin, Chief Minister Pu Lalduhoma ngei pawhin Mizoram Police leh ACB-te aiin VVIP-te leh an hnaivaite chhui tur chuan Mizoram Lokayukta leh CBI-te a ring zawk tih an sawi.
ZPM sawrkar hlim, December ni 28, 2023 khan CBI-in Mizoram chhunga investigation an tih theih nan phalna pek ni mah se June ni 20, 2024 khan CBI Director lehkha chhuanlama hmangin CBI Director-in State hrang hrang Chief Secretary-te hnena generic draft consent notification a rawn thawn chu a ngai ngaia hmangin July ni 1-a Gazette Notification an tihchhuah chuan December 28, 2023 a notification chu awmze nei loah an rawn siam leh ta tih an sawi bawk a ni.
Mizoram sawrkar phalna a hranpa a lak kher ngai lo va chhui thei tura CBI hnena general consent pekna Gazette Notification chhuah turin Chief Minister leh a kaihhruai sawrkar chu an phut bakah, Draft Gazette notification pawh an thehlut nghal tih an tarlang bawk a ni. (ddnewsmizoram)
