01 Dec 2023: Central Women’s Jail, Aizawl atanga nimina tlanchhuak hmeichhe 3 te chu man an la ni lo a, ngawrh taka zawn mek an ni.
IG Prisons Pu R. Lalremsanga sawi danin, tang tlanchhuak te hi nimin zing lama tlanchhuak an ni a, hmeichhe 3 te hi ngawrh takin hmun hrang hrangah zawn mek an ni tih a sawi.
Police te sawi danin tang tlanchuak te hi Niengboi (kum 33) d/o VT Kamboi, Churanchanpur leh Lalruatsangi (kum 28) d/o Vungkhansuan, Thuampui, Aizawl bakah Lalchhanmawii (kum 42) d/o Lalvunga, Turial te an ni a, an tlanchhuahn ah hian an puan sin leh thawmhnaw dang te zawm khawmin hungna lamah an lawn liam a ni.
Nimin zing dar 1 leh dar 2 inkara Central Women’s Jail, Aizawl atanga hmeichhe 3 tlanchhuakte hi Police te sawi danin an vai hian ruihhlo kaihhnawih leh ruihhlo tawlhruk vanga man te an ni a, Man leh vat an nih theih nan anmahni lo hmu emaw an awmna chin hria chuan a rang thei ang bera Zonuam Outpost phone number 8794747295 ah emaw Police Station hnai berah Report vat turin Police ten thuchhuah an siam a ni.
Kumin hian Jail tang tam tak tlanchhuak an awm a, heng zinga engemaw zat chu man leh an la ni lo a. Mizoram hmun hrang hranga Jail tangte tlan chhuah fo nachhan hi Jail dinhmun a chhiat lutuk vang leh Jail tang awm thei zat aia tam an tan thin vang nia sawi a ni a, State chhunga khapna dan leh kawh anih avangin Jail tang tam tak an awm phah nia sawi a ni bawk. (Akashvani Aizawl)
