Chenna In chhia a awm nual

27 April 2026: Nizan leh tukin zing lama thli tleh leh ruahsur nasa avangin Lunglei district chhungah chenna In engemawzat a chhia.

Hriat theih chinah Sairep khuaah Chenna In 8 bakah Sub Centre leh Govt Primary School te a chhia a. Tawipui South khuaah pawh chenna In chhia 5 a awm bakah Electric ban tlu 7 a awm bawk. Mualthuam South khuaah chenna In 3 a chhia a, Bualte, Thualthu, Buknuam leh Rualalung khuaah in chhia a awm bawk nia thudawn a ni.

Thli tleh leh ruahsur nasa avangin Lunglei District huam chhungah mihring thi leh hliam report dawn a awm lo va, leimin leh inkalpawhna kawng ping hriat tur a awm lo bawk.