26 Aug 2024: Aam Aadmi Party, AAP Mizoram hruaitute chuan Aizawl press club-ah thuthar thehdarhtute kawmin Manipur buaina a mawhphurtu ber Chief Minister Biren Singh chu bang turin an phut tih an sawi.
AAP hruaitute chuan Nikum May Ni 3 a Manipur buaina in tan atanga mipuite tawrhna leh thilthleng chungchang sawiin tun hnaia The Wire news in Manipur CM Biren Sigh ngei nia rin chu midang te nen an inbiakna chungchanga voice recording an tih chhuah thu an sawi a. Heta Manipur CM thusawi hian an rilru a ti na hle tiin AAP hruaitute chuan buaina chawk chhuaktu leh a hnu zelah pawh tan lam neia rorelna thuthleng hmang sual a ni tih a chet dan leh awm danin a finfiah an ti a. Amah hum bettu leh Manipur buaina ngaihsak miah lohtu BJP sawrkar leh Prime Minister Narendra Modi pawh an dem hle tih an sawi.
AAP hruaitute chuan he buaina hi tun hnaiah Mizoten kan ngaihven zui lo hle tih sawiin buaina hi chinfel ala nih loh mai bakah, he buaina hian Mizoram chu a nghawng nasat ber a ni an ti a. Raltlan chungchangah policy mumal nei turin sorkarin hma la ngam se an duh tih an sawi bawk a ni. (DD)
