Chief Minister-in Mizoram chhim lamah Airport din turin a ngen

27 May 2025: Delhi a kal Chief minister Pu Lalduhoma chuan nimin khan Pu Ram Mohan Naidu, Union Civil Aviation Minister chu a pisaah tlawhin, Aviation Sector-a Mizoram hmasawnna tur thil hrang hrang an sawipui.

Chief Minister chuan, Mizoram chhim lamah Airport din turin a ngen a, AAI kuta Lengpui Airport hlan chungchang an sawi bakah PM- UDAN Scheme hnuaia heliport din dan tur te an sawi bawk.

Union Minister hian Mizoram chhim lama Airport siam a nih theih nan hma a lak tur thu hrilhin, an inkawmnaa tel ve AAI thuneitute chu a ranglama Mizoram sawrkar hnena Lengpui Airport offer siam tura tih a ni. An offer hi Mizoram sawrkarin a lo zirchiang leh phawt ang.