02 Sept 2025: Vawiin khan Chief Minister Pu Lalduhoma hovin Adviser to CM Pu TBC Lalvenchhunga leh Finance Department thuneituten IFMIS chungchang an sawiho.
He hunah hian Chief Minister chuan, Finance Department leh Taxation Department hi chhunfin ni tawh mah se Taxation thil bikah hian Dr. Vanlalthlana, Minister chu min pui tura ruat a ni a, GST Council Meeting lo awm turah pawh hian a kal dawn a ni. Chuvang chuan Taxation lam thilah chuan a hnenah file kaltir zel tur a ni, tiin a chah.
Meeting-ah hian IFMIS-a Works Account dah tel dan tur zirchiangtu Study Team for Cheque Payment under IFMIS te report ngaihthlak niin Pu Rothuama Tochhawng, MFAS, DD, Secretary, Study Team chuan state te kal dan an zirchianna report hi a pe a, rawtna an neihte pawh a thlen nghal a ni. Heng an rawtnate hi a tul anga an sawiho hnuah a bawhzui zel dan turte ruahman a ni. (DIPR)
