21 Nov 2026: Vawiin chawhma dar 11:00 vel khan Hnahthial Penial Veng hmeichhe tleirawl Lalhruaitluangi (12) chu Hnahthial leh South Phaileng inkar Mat luiah chesualin chanchin buatsaih lai hian a ruang zawn mek a ni.
Hnahthial atanga thu dawnnain a sawi danin, Lalhruaitluangi nu unaupa hi Ramlaitui khuaah awm niin birthday lawm programme an siam a, heta tel tur hian Hruaitluangi hi a pu nen Hnahthial atangin vawiin tukthuan eikham khan an kal a, Hnahthial leh South Phaileng inkar Mat Lui lirthei a tlan kai mai thinah lung nalah tlu palhin; tui a lo tam deuh bawk nen tui hian Lalhruaitluangi hi a la ta nia sawi a ni.
Chanchin buatsaih lai hian Lalhruaitluangi ruang hi a awmna veng Hnahthial Penial bakah Hnahthial khaw chhung YMA Branch hrang hrangte leh Thiltlang YMA ten zawn hna an thawk mek a ni.
Lalhruaitluangi hi Mantawni Memorial English School ah Class- VI a zir mek a ni.
Comments (0)
No comments yet. Be the first to comment!
Leave a Comment