ATL kawng siam hnathawh enpui zel tum

ATL kawng siam hnathawh enpui zel tum

20 Nov 2026: YMA Sub-Hqrs Lunglei Executive Committee meeting Dt.19.11.2026 (Ningan) zan a YMA Hall, Chanmari Lunglei a neih chuan ATL Kawng SLT-te’n an siam mek a hmuna an tlawhna te thlirhovin, Chhimlam mipuite tana kawngpui pawimawh anih angin hnathawh kal mekte enpui zel nise an ti.

Pu K.Lalfakzuala, President kaihhruai SEC Meeting chuan Dt.18.11.2026 (nilaini) a ATL kawngpui siam mek RMC ten an tlawh report thlirho a ni – he kawngpui hi a kawng dinhmun enchiangtu CRRI Report ngaihchan a nih avangin ATL Road hi hna hun engemaw chen chawlh a ni a. ATL Road hi SLT ten hna an tan hnuah tum 4 tlawh tawh a ni a, SE PWD hovin vawi hnih meeting neih tawh a ni a, EE PWD Road-I Leh EE PWD Road-II, te nen a hranin meeting hi vawi 4 chuang an neihpui tawh.

ATL Road hi package hrang hrang a then a ni a, tuna Pukpui dai to Mausen hi Package 1&2 a then a ni. Hemi Package bik hi April 2027 hi an zawh hun tur a ni a, huntiam ral hmaa zo hman turin SLT te hian YMA hruaitute chu an tiam.

Haulawng thlen hma waiting shed atanga Sekhum thlen hma hi Restricted tender hmanga SLT te chhan tir an ni a. Middle East buaina avangin Bitumen man a to tak avangin Tender Amount aia sangin an chhang a, hei hi Finance lamah a la tang niin PWD ten an sawi. Agreement sign a la ni lo tih a hmun a tlawhtu Road Monitoring Committee te an lo hrilh bawk.

Agreement sign ni lo mahse mipui tawrhna a nasat tawh avangin April 2027 hma ngeiin Centre Of Excellence Saichhoh thleng hian Black Top hman an tum thu YMA hruaitute hi lo hrilhin- Sekhum thlen hma atanga Kanghmun S, Lunglei Div chan chin chu PWD ten Estimate thehlut tawh mahse tun thlengin tender a la ni lo. CM Lunglei a lokal khan Tender chhuah turin lehkha lo pek a ni tih meeting-ah hian tarlan niin AOC atanga 3 Gate inkar pawh Rs 337 Lakhs dah niin, SASCI hmanga sum dah niin SLT bawk pek anni dawn a. Hei bakah hian khawpui chhung kawngpui thuam that tur nen SLT te hian ATL kawng an siam nen thawktu an thlen belh mek bawk avangin insu buai lova a hun a hna zawh hman ngei an tum thu YMA hruaitu te hi an lo hrilh bawk a ni.

SEC chuan helai kawngpui pawimawh hi a chhiatna a rei tawh avang leh zinmi leh damlote tawrhna a nasat rei tawh avangin chhan hrang hrang avanga hna a muang chu thlahtlam chi ah an ngailo tih sawiin, a tul ang zela enzui nise an ti bawk.

Share Post:

Comments (0)

No comments yet. Be the first to comment!

Leave a Comment

Boost Your Business with Cutting-Edge Marketing Solutions Today

Your ad here
Image