20 Nov 2026: Vawiin chhun khan MZP Hqrs.: Lunglei chuan Lunglei West bialtu MLA Pu T. Lalhlimpuia a office, Aizawlah hmuin Chhim lam ṭhalaite leh zirlaite mamawh an sawi ho.
MZP Hqrs.:Lunglei chuan sorkar hna lakna hrang hrangah Mizoramah hmun khatah chiah interview neih a ni ṭhin chu mi tam tak tan harsatna a thlen thu MLA Pu T. Lalhlimpuia chu hrilhin, mi harsa zawkte tana sum leh pai tam tak senga interview hmachhawn ngai ṭhin chu sutkian dan kawng zawnga a ṭul anga thuneitute hnena palai hna thawh sak turin an ngen a, exam centre hrang hrang changtlung tak Mizoram chhim lam zirlaite’n ṭangkai taka an hman theih tur din a nih theihna atan hmalak pui turin MZP Hqrs.: Lunglei hruaitute chuan an ngen nghal bawk a ni.
Lunglei West bialtu MLA Pu T. Lalhlimpuia chuan MZP Hqrs.: Lunglei hruaitute ngenna chu a theih ang anga a lo bawhzui tur thu sawiin, zirna leh zirlaite hmakhua an ngaih pawimawh zia thu a lo sawi bawk a ni.
Comments (0)
No comments yet. Be the first to comment!
Leave a Comment