15 May 2024: Chief Minister Pu Lalduhoma chuan vawiin khan Central YMA hruaitute a kawm.
Central YMA hruaitute hian, Myanmar atanga lo kal mi thenkhatte chungchang te, tun hnaia ILP dan bawhchhia engemawzat an man avanga mumal zawka ILP regulation kalpui tha an tih thu te leh Ruihhlo Do Core Committee kalpui thar leh tha an tih thute an thlen a ni.
Chief Minister hian, Prime Minister leh Union Home Minister te hnena a rawt angin Myanmar atanga rawn raltlante chhinchhiahna tur bik, Biometric Enrolment Portal a awm tawh thu leh a taka an kalpui thuai tur thu a lo hrilh a. ILP kalpui dan pawh thlir nawn mek a nih thu leh online tracking system thar neih tum a nih thu te, Ruihhlo dona lama hma latu State Level Core Committee pawh a rang lama koh tha a tih thu te a lo hrilh a ni. (AIR)
