Civil Hospital Lunglei-in Mitthi phurhna lirthei (Morgue Van) a neilo

Civil Hospital Lunglei-in Mitthi phurhna lirthei (Morgue Van) a neilo; bawlhhlawh paih nan hman a ni.

Civil Hospital Lunglei chuan hun rei tawh tak atang khan Mitthi phurhna lirthei a nei tawh lo va, mithi phurh nana an hman thin (Morgue Van) chu a hlui tawh em avangin Damdawi In bawlhhlawh paih nan an hmang tih kan thudawnna chuan a sawi.

Hetianga mithi phurhna tur bik lirthei hun rei tawh tak atanga an neih loh avang hian damlo phurhna tur bik Ambulance chu mittthi phurh nan an hmang thin a, tun dinhmunah Civil Hospital Lunglei hian damlo phurhna tur Ambulance pali nei mekin, damlo phurh nan leh mithi phurh nan hman kawp anih avangin an awl hman meuh lo niin an sawi.