02 Aug 2025: Ni hnih kalta chhung khan Covid-19 hri kai leh kai lo endik mi 7 zinga 5 chuan hri an kai tih hmuhchhuah a ni.
Integrated disease surveillance programme (IDSP) hotute hnen atanga thu dawn danin Thawhlehni a Covid hri kai hmuhchhuah pakhat enkawl mek tiamin tun dinhmunah Covid hri kai 6 enkawl mek an awm a. Hri kai an ni tih lang chhuak an awm lova, dam lo na an awm lo. An vai hian Aizawl district ami vek an ni. Kumin hian May thla laihawlah khan Covid hri kai hi hmuhchhuah leh hmasak ber a ni a hmuhchhuah thar ber tiam hian kuminah Mizoramah Covid-19 hri kai mi 19 hmuhchhuah a ni tawh a. Endik loh avanga hmuhchhuah loh tam tak an awm rin a ni.
Kum 2020 bul lama Mizorama Covid lo luh ve rinhlelhna a awm atanga tun thleng hian sample nuai 19, sing 9, sang 7 leh 863 endik a ni tawh a. An zinga nuai 2, sing 3, sang 9 leh 654 te chuan Covid an kai tih hmuhchhuah a ni. Covid hri kai zingah a vaiin mi 734 an thi a. Kum 2021 khan thi tam berin mi 538 thi chhinchhiah a ni a, kum 2022 khan mi 180 thi a chhinchhiah a ni a, kum 2020 leh 2023 khan mi 8 ve ve an thi bawk a ni. (AIR)
