Covid avanga Mizoramin sorkar laipui tanpuina a dawn chu Rs vbch 90.63 anih thu CM-in House a hrilh

March 12, 2024: Finance changtu, Chief Minister Pu Lalduhoma chuan Covid avanga Mizoramin sorkar laipui tanpuina a dawn chu Rs vaibelchhe 90.63 anih thu House a hrilh.

MLA Pu Robert Romawia Royte zawhna chhangin Chief Minister Pu Lalduhoma chuan Mizoramin sorkar laipui tanpuina a dawn chu Rs vaibelchhe 90.63 a nih thu a sawi. Mizoram sorkarin sorkar laipui atanga sum a hmuh tura a beisei, Covid 19 hrileng avanga a hmuh loh zat chu Rs vaibelchhe 2,370.80 anih thu a sawi bawk.

Zawhbelhna hunah Pu Robert Romawia Royte chuan Finance changtu Chief Minister Pu Lalduhoma chhanna leh RTI hmanga chhanna a inan loh thu a sawi a, House Leader ni bawk Pu Lalduhoma chuan a inan loh chhan a hriat loh thu leh Finance Dept. kaltlang lo a tam thu sawiin, House-a chhanna a pek chu dik zawka a ngaih thu a sawi a ni.