09 July 2025: District Agriculture Office, Lunglei buatsaihin vawiin chawhma khan Agriculture Conference Hall Lungleiah Orientation Training Programme of Community Community Resource Person, National Mission on Natural Farming 2025 – 2026 Under Lunglei Block, Lunglei District buatsaih a ni.
Training inkhawm hi Pu VL.Hmangaihchhunga District Agriculture Officer-in kaihruaiin, training-a telte chu cluster enkawltu tur leh beneficiary thlangtu turte an nih avanga fimkhur taka hma la tur an ni, a ti.
Pi Zonuntluangi Pachuau BTM, ATMA chuan training-a telte hnenah hian natural farming awmzia hrilhfiahin, damdawi hmang miah lo leh leitha hmang miah lo va thlai enkawl tur anih thu leh hlo thlawh vak vak pawh a remchan loh dan te bakah leitha siam chawp hmanga thlai chawm tur a ni tiin, natural farming chu kan leilung chhe tawh siam that lehna tur a ni ber a ti.
Pu TH.Lalropuia AAI pawhin Community resource person te mawhphurhna leh hmalak dan turte a zirtir bawk.
