Dr.R.Lalthangliana Assembly Speaker-in MLA ni turin a lalut

18 Nov 2025: 2-Dampa (ST) Assembly Constituency By-Election a thlan tlin, Dr.R.Lalthangliana chu vawiin khan Assembly Speaker, Pu Lalbiakzama chuan Mizoram MLA ni turin rinawmna thu tiam tirin a lalut.

MLA thar lakluhna inkhawm hi Assembly Conference Hall-ah neih niin Pu Lalthangmawia Addl. Secretary, Assembly Secretariat chuan a kaihruai a, he hunah han Speaker chuan MLA thar hi India Danpui hnuaiah rinawmna thu tiam turin a lalut a, MLA thar lakluhna hunah hian Chief Minister Pu Lalduhoma, Home Minister Pu K.Sapdanga, Health Minister Pi Lalrinpuii, School Education Minister Dr.Vanlalthlana, Assembly Dy.Speaker Pu Lalfamkima, Leader of Opposition Pu Lalchhandama Ralte bakah MLA te an tel.

MLA atana Dr.R.Lalthangliana lakluh a nih hnu hian Seat 40 awmna Mizoram State Legislative Assembly-ah Mizo National Front (MNF) chuan MLA 10 an nei ta a ni.

Dr.R.Lalthangliana hi term 6 zet MLA ni tawhin heng zinga term 3-ah hian cabinet minister a ni a, kum 1989 – 1993, 1993 – 1998 leh 2008 – 2013 khan MLA a ni a, kum 1998 – 2003, 2003 – 2008 leh 2018 – 2023 khan cabinet minister a ni. (DIPR)