Nithum chhung awh tur Lunglei Entrepreneur Exhibition, 2023 chu vawiin (Sept ni 13, 2023) chawhnu lam khan Arts & Culture Hall Venglai Lungleiah HPC Vice Chairman Pu Lawmawma Tochhong, MLA chuan a hawng.
Exhibition hawnna inkhawm tawi hi Pu V.Rokhawlkima, President Lunglei Entrepreneur Forum-in a kaihruaia, Khuallian Pu Lawmawma Tochhong chuan mahni kutkawih ngei leh siamchhuah ngei mai phochhuahna hun ṭha tak Lungleia buatsaih a ni chu lawmawm a tih thu a sawi.
Pu Lawmawma Tochhawng chuan, Lunglei District khawthlang tuipui kaltlangin Bangladesh nen insumdawn tawnna Indo- Bangla Border Trade peih thuai a ni dawn, a ti a. Bangladesh lam aṭangin bungraw chi hrang hrang man tlawm zawkin a lo lut anga a leitu ringawt nilo a hralh chhuaktu ni tura kan lo inbuatsaih ve angai a, kan lei aia kan hralhchhuah a tam theih nan tun aṭangin kan rilru inbuatsaih a pawimawh hle dawn a ni, a ti.
Exhibition-ah hian mahni siamchhuah thil chi hrang hrang Stall 26-ah phochhuah niin, man tlawm zawka zawrh a ni.
