18 June 2024: District Sericulture Office Lunglei chuan Eri Pangang vulhtute atangin kumin April thla atanga vawiin thlenga an tharchhuah Rs1,73,664 man an lei sak tawh.
District Sericulture Officer Pu Z.D. Zoramthanga’n kan palai a hrilh danin tun dinhmunah DSO Lunglei hnuaia Eri Pangang vulhtute hi chhungkaw 70 awmin April thla atanga vawiin thleng khan Cut Cocoon Kg 67.68 Rs 33,840 man, Buhchium Kg 406.08, Rs 1, 21,824 man leh Seed Cocoon 6000, Rs 12,000 man a vaiin Rs1,73,664 Pangang Vulhtute hnen atangin lei sak an ni tawh a ti.
Hetihlai hian Mulbery Pangang vulhtute chhungkaw 6 te hnen atangin an Cocoon thar Kg 42.53 lei sak tawh bawkin, Muga Pangang vulhtute hnen atanga Cocoon Kg 45,600 beisei an neih laiin; thli leh ruah nasa lutukin an eizawnna a tihchhiat sak avangin Muga Pangang chingtute erawh an hlawhchham thu DSO Pu Marama chuan a sawi.
