11 Sept 2025: Joint Civil Society of Mizoram (JCM) huaihawtin vawiin hian Vanapa Hall kawtah Forest Conservation (Amendment) Act, 2023 duh lohna lantir a ni.
He hunah hian NGO leh political party hrang hrang member-te an kalkhawm a, FCAA 2023 duh lohna thuziakte kengin an duh lohna an auchhuahpui bakah FCAA 2023 Mizoram Assembly-in a pawm sut leh turin signature campaign-te an nei bawk a ni.
JCM convener Dr Lalbiakmawia Ngente chuan thuchhuah a siamah Mizoram Assembly-in FCAA 2023 a pawm avanga pungkhawm an nih thu tarlangin, FCAA 2023 hnuaiah chuan sorkar laipuiin Mizoram chhung khawi laiah pawh hma a la thei dawn tih a tarlang a, chu chu Mizoram tan a him lo tih leh Mizoram Assembly-in FCAA 2023 a pawm avangin he dan lakah Mizoram a indan ve theihna India Danpui Article 371G chu hman theih a ni tawh lo tih a tarlang bawk. (DD)
