Gas home delivery chungchang sawiho

19 Oct 2026: Vawiin khân DCSO Pi Jennifer Vanlalhruaii ruahmanna-in a hnathawh pindanah Lunglei District Consumer Association (LDCA) leh Lunglei a Gas Agency pahnih Southern Gas Agency leh El Pe Gas Agency-te’n tunlai gas harsatna chung chang leh agency-te’n home delivery an tih theih dan turte an sawiho.

Tunlai hian gas supply lam a tlem avangin agency-te’n gas sem kawngah harsatna an tawh thu an sawi a. Chutih laiin meeting chuan a theih chin chinah home delivery kalpui ni se a ti a, Agency-te pawhin theih tawp chhuah an tum thu an sawi.

LDCA hruaitute chuan DCSO hnenah hian tunlaiin mipuite hnena Retailer Buhfai sem tlai ta lutuk chu hmalak dan a awm em tih an sawi pui bawk. Retailer-te’n buhfai an khul tlai hian mipui lamah sem chhung a rei ta lo thin a, chu chu mipuite’n an tawrh thin avangin hma lakpui turin an ngen a. DCSO Pi Jenniferi chuan theih tawp an lo chhuah tur thu a sawi a ni.