Gov’t Tlabung P/S-II building leh zirtirtu dinhmun a chhe viau niin MZP-te’n an sawi
10 May 2024: MZP Hqrs Lunglei leh MZP Sub-Hqrs Tlabung te chuan vawiin khan Gov’t Tlabung P/S-II Office building sak an endik.
Office building sa tute hian an hna hi an namnul hle niin an sawi a, a bang atana thingphek hmante chu nawh mam miahloh te, a tukverh atana thing phek hmante pawh kalh theihloh khawpa chhia-a an siam chu MZP–te chuan mak an tih thu an sawi.
Varanda kalka bera hman tur atana hnathawktute’n chartin pahnih chauh hmanga an siam; zirtirtute thahnem ngaihnaa an mahni pawisa hmanga siam that leh ngaite chu zahthlak an tih thu an sawi a. Electric wiring engmah khawih lova a hnathawktute’n an insaseng san te chu hriatthiam har an tih thu an sawi.
Govt’ P/S -II Tlabung hi Tlabung khua a P/S pali awm zinga Mizo naupang kal tamna ber niin, Tlabung P/S ah chuan a pawimawh ber pawl a tih theih hial a, Blackboard hmantlak mumal awmlo te, ceiling chhiat lutuk avanga ruahsur changa class lak theih miahloh te chu pawi an tiin, MZP-te chuan thuneituin a rang thei ang bera Govt’ P/S -II Tlabung office building sak chhe lutuk chu enfiaha a tul anga hma la turin an ngen tih an sawi a. Zirlai naupang 42 awmna schoola zirtirtu pathum chiah an awm chu MZP Hqrs Lunglei leh MZP Sub-Hqrs Tlabung te chuan hriatthiam har an tih thu leh thuneitute’n a rang thei ang bera hma la tura an ngen nghal thu an sawi a ni.
