25 Sept 2025: Pu Lalrothanga, Dy Commissioner of Taxes Lunglei Zone chuan GST 2.0 kalpui turah GST registration drive na takin an kalpui dawn tih sawiin GST ti thei reng, ti duhlote nasa takin an vai dawn a ti.
He thu hi vawiin khan Lungleia thuthar lakhawmtute hmaah sawiin Dy Commissioner of Taxes Lunglei Zone chuan, dawr lian kan tih ho zingah engemawzat GST ti lo an awm tih sawiin, dan anga Registration an ti lo anih chuan a tlem berah Rs 10,000/- an chawi a ngai dawn a, innawr leh inhrem kher ngai lovin ti se; tih chu an duhdan a ni, a ti.
Miin GST a neih chuan a bungrua lakna kha lo to pawh nise ITC a claim thei a, hei vang hian Sept ni 22 2025 atang khan Tax lakna tur a tihhniam item-ah chuan dawrkaite’n an thil zawrh an ti hniam tur a ni, an tan chawi belhna tur a awm lo, a ti.
GST hian Employment generation nasa takin a rawn keng tel dawn tih sawiin, Lungleiah ringawt pawh sumdawng 700 vel buaipui an ngai a, tunah hian mipakhat chauhin a enkawl a, Registration ti tur leh la ti lo te vai turin thalai, thothang tha an mamawh a, a bik takin Commerce subject zirzo tawh te chuan an Office-ah ngaihven se a duh tih a sawi.
College naupang Commerce subject la zingah internship ti te’n Taxation Office-a tih nachang an hre lo te chu mak a tih thu sawiin, an lo welcome reng tih a sawi bawk.
