H.Ramdinpuii sunna hun hmang turin Zirna in te ngen

05 Aug 2016: MZP Hqrs Lunglei chuan Mualthuam North zirlai naupang tual thih chungchangah thuchhuah an siamin, Ni 3 August, 2026 (Thawhtanni) atanga chin hriat lohva bo H. Ramdinpuii (15) d/o H. Lalawmpuia Mualthuam ‘N’ August ni 5 2026 (Nilaini) chawhma dar 10:00 a Mualthuam ‘N’ Middle School hnunga a ruang chhar a ni chu MZP Hqrs.:Lunglei chuan pawi a tih thu leh an zirlai pui chunga hetianga thihna a thleng ta mai hi hriatthiam har an tiin pawi khawihtu hi a rang thei ang bera man anih theihna atan thuneitute an ngen nghal tih an sawi a.

MZP Hqrs:Lunglei chuan pawi khawihtu hi a na thei ang bera hremna a hmuh theihna atan a tul dan apianga hmalak chhunzawm zel an tum thu leh thuneitute puih theihna a awm anih chuan theihtawp chhuaha puih zel an inhuam thu an tarlang.

Lunglei District huam chhunga Zirna In zawng zawngah an zirlai pui H. Ramdinpuii sunna hun an remchan dan anga hmang theuh turin an inngen tih an sawi bawk.

H. Ramdinpuii’n a kalsan tak a chhungte an tuarpui tak zet tih an sawi bawk.