H.Ramdinpuii thattu-a puh Denghmingthanga tlanchhuak zawng mek

01 Sept 2026: Mualthuam N tleirawl, H. Ramdinpuii thattu-a puh, Denghmingthanga, tukin Ni 1.9.2026 (Thawhlehni) zing dar 1:00 vel-a Lunglei Police Station-a thu zawh fiah tura kawl a nih laia a tlan chhuah chungchangah YMA Sub Hqrs Lunglei chuan hetiang hian thuchhuah an siam:-

YMA SUB-HEADQUARTERS, LUNGLEI NGENNA

Mualthuam N tleirawl, H. Ramdinpuii thattu-a puh, Denghmingthanga, Kum 20 chu tukin Ni 1.9.2026 (Thawhlehni) zing Dar 1:00 vel-ah khan Lunglei Police Station-a thu zawh fiah tura kawl a nih laiin a tlan chhuak a.

YMA Sub-Headquarters, Lunglei hnuaia Branch te, a zawn chhuah kawngah Police-in hmalakpui tura min ngen angin, YMA Branch ten mahni huam chhungah theuh mit len a, Police-te thawhpui turin kan inngen a, hmu kan lo awm a nih pawhin kut thlak lo turin kan inngen a ni.

Thlalaka a thuamhnaw hak hi a tlan chhuah laia a inbel a ni a, pheikhawk bun lovin Handcuf vuah chungin a tlan chhuak a ni. A chin hria kan awm a nih chuan Lunglei Police Station –
Mb. No. 9485414441 ah emaw, YMA hruaitute hnenah hriattir turin kan inngen a ni.