21 Nov 2023: Krismas leh Kumthar vuakveta halpuah leh puakthei hal thinin boruak bawlhhlawh, mihring tana hlauhawm a siam thin avangin kuminah pawh hetiang halpuah leh puakthei chi hrang hrang khap dan tur chungchang vawiin tlai khan Chief Secretary Dr Renu Sharma hovin Secretariat Conference Hall, Aizawl-ah sawiho a ni.
He meeting-ah hian Home Department, Environment & Forest Department, Health Department, Aizawl Municipal Corporation, Pollution Control Board hotute bakah Aizawl DC leh tlawmngai pawl hotute an tel a ni.
Heng hunpuiah hian ruihtheihthilte pawh khauh taka khap a tul thu te leh halpuah leh puakthei thil dang hal hian mihring hriselna atana thil pawi a thlen thin avangin mitin hal lo tura ngen ni se tih te an rel a ni.
Hemi kawnga hmalakna a hlawhtlin theih nan Chief Secretary chuan mitin thawhhona a pawimawh thu sawiin, mi zawng zawng tang tlang turin a ngen bawk a ni.
