Health Care Scheme tihchangtlun nan sorkar damdawi in zawng zawng tihchangtlun tum
20 March 2025: Health and Family Welfare Minister Pi Lalrinpuii chuan Mizoram Universal Health Care Scheme tihchangtlunna atan sorkar chuan sorkar damdawi in zawng zawng tichangtlung turin thawktu lakna tur advertisement a tichhuak tawh tih a sawi.
Vawiin Assembly thutkhawmah Health Minister chuan member te zawhna chhangin, Health Minister chuan, nimina tlangzarh tak Mizoram Universal Health Care Scheme kalpui turah Mizoram sorkar chuan sorkar damdawi in zawng zawng tihchangtlun a tum thu leh thawktu indaih lohna sukiang turin thawktu lakna tur advertisement tihchhuah a nih tawh thu leh hetah hian transfer chungchanga buaina a awm loh nan a khaw mi te duhsak theihna tur pawh duan a nih thu a sawi bawk.
Health Minister chuan, Mizoramah doctor 622 an awm mek thu leh Health Care Scheme thar atan, mamawh dan azirin Consulting Doctor lakbelh zel tum a nih thu a sawi a, doctor transfer chungchangah, a thlaktu dah loin doctor transfer tawh lo turin Department thuneitute a hriattir tawh tih a sawi bawk. (DD)
