Heroin no. 4 Rs nuai 14 chuang man hu hal ral

29 Sept 2026: Vawiin khan Lunglei AP Tlanga Incinerator Centre-ah Lunglei District Disposal Committee (DCC) chuan an Chairman, Lunglei District Superintendent of Police Pu Shivam Siddharth kaihhruaiin ruihhlo (heroin no. 4) gram 81.22, cheng nuai sawmpali, sing thum, sang khat leh za riat (₹14,31,800/-) man hu an hal ral.

Ruihhlo hal ralnaah hian DCC member – Superintendent of Police, Sub-Divisional Officer (Sadar), Excise & Narcotics Assistant Commissioner leh Lunglei Sub-Divisional Police Officer te leh an aiawhte an tel a. Lunglei SP hma laknaa SP hna thawh dan a taka hmuhpui tura “SP for a Day” programme-a tel Lungleia pawl 10 leh 12 zirlai naupang panga te’n ruihhlo hal ralna hun hi an hmanpui bawk.

Vawiina ruihhlo hal ral tak hi Lunglei Police Station Case No. 75/2026 Dt. 21.07.2026 u/s 21(b)/29 ND&PS Act hnuaia case ziah luh niin, Lunglei Judicial Magistrate First Class-I-in pre-trial disposal phalna a pek anga hal ral a ni.