12 Oct 2024: Mizo Zaimi Inzawmkhawm (MZI) Hqrs Lunglei buatsaih “Ruihlo Do” hla inphuahsiak result puan leh lawmman semna inkhawm nizan dar 7:00 khan Arts & Culture Heritage Centre Venglai Lungleiah hman a ni.
Hla inphuah siak result puan leh lawmman sem inkhawm hi MZI Hqrs Lunglei Vice President Pu Z.H Ropuia’n hun bul a tan hnuah Nl.K.C.Lalthanzualin hun a kaihruai zui.
MZI Hqrs Lunglei President Pu P.Lalhmangaihzuala chuan thu sawiin, kan ramah ruihhlo a hluar ta em em leh kan thalaite nasa taka a sawisak mek avangin MZI Hqrs Lunglei chuan veiawm a ti a, ruihhlo dona kawnga tangkaina a neih ngei beiseiin hla inphuah siak hmangin ruihhlo do hna thawk ila kan ti a, hla phuahtu mi 30 chuang lai an awm chu lawmawm a tih thu leh heng ruihhlo do hla phuahtuten an hla phuah hlu takte hian kan thalaite nunah thu sawi ngei se tih hi kan beisei a ni, a ti.
He hunah hian Er.Lalrothanga MZI Gen. Hqrs President leh DIG Southern Range Pu Lalthanmawia pawhin thu an sawi a ni.
MZI Hqrs Lunglei buatsaih “Ruihhlo Do” hla inphuah siak a lawmman dawngtute chu:-
Pakhatna: Kima Chhangte Vaivakawn Aizawl, Pahnihna: C.Vanlaldintharpuia, Theiriat, Pathumna: P.C Lahmangaiha, Lunglawn te niin, mi pathum hnenah Consolation Prize pek an ni bawk.
