06 March 2025: Mizoram Legislative Assembly Budget session neih mekah PWD Minister Pu Vanlalhlana’n MLA Pu Lalramliana Papuia zawhna chhangin, Aizawl Thenzawl Lunglei (ATL) road siam chu hna hmasaah neih turin hma lak mek anih thu a sawi a, tunhma chuan pawisa a awm loh avangin an tiam vak ngam ngai lo tih leh tunah erawh pawisa pawh an neih tawh thu a sawi a ni.
Pu Vanlalhlana chuan Lawngtlai West bialtu MLA Pu C Ngunlianchunga zawhna chhangin, tun sorkar hian kum 2024-2025-ah kawng enkawlna atan Rs 17,69,17,000/- dah a nih thu leh hmanral vek tawh a nih thu a sawi a, PWD chhut danin kawng hi km 1 zelah Rs 49,300/- hman tur a nih thu a sawi bawk.
