Home minister-in huaisen chawimawina award a hlan

25 Sept 2026: Vawiin khan Home Minister Pu K. Sapdanga chuan Sawrkar laipuiin huaisen chawimawina a buatsaih – Uttam Jeevan Raksha Padak dawngtute pahnih Pu Joseph Lalnunmawia, Darlawn leh Pi Laldinkimi, Kawlkulh te chu Home Minister Office Chamber, MINECO-ah chawimawina award a hlan.

Home Minister chuan huaisen chawimawina dawng Mizo zinga kan awm thei zel chu lawmawm a tih thu sawiin mahni chunga thihna thleng thei pawi sa lova midang nunna chhanhim chu thil ropui tak a ni a ti a. Hmanlai kan pi leh pu te thufing “thian chhan thih ngam” kan la chhawm nung zel chu lawmawm a tih thu a sawi bawk.

Pu K. Sapdanga chuan chawimawina hi thil tha tih nen kal kawp a pawimawh tiin chawimawi phute kan chawimawi hian hnam anga kan mawina a ni zel a ni a ti a, Mizo te chu in chawimawi tawnna kawngah ke kan pen zel a tul a ni a ti.

Vawiin hunah hian DC Aizawl leh DC Khawzawl atangin chawimawina dawng tute chanchin tawi leh an dawn chhan ngaihthlak a ni a. Pu Joseph Lalnunmawia hian mi paruk kangmei atanga chhanchhuakin Uttam Jeevan Raksha Padak chawimawina hlan a ni a, Pi Laldinkimi hian tui tla chhanchhuakin Jeevan Raksha Padak chawimawina hlan a ni