Hun an vawn dik leh zual theihna tura Sawrkar hnathawkte tana duan ‘Kai App’ training

19 Nove 2024: Vawiin chawhnu dar 1:00 khan Department of Information and Public Relations, Govt of Mizoram hnuaia officer zawng zawngte leh Directorate-a staff-te chuan I&PR Auditorium, Treasury Square-ah Kai App hman dan tur chungchanga training an nei.

Training hi Pi K. Vanlalsangi, Joint Director, DIPR chuan hawngin, Pu Lalfakzuala, Master Trainer, ICT Department chu Resource Person a ni a. Kai App hman dan tur chungchang a thil pawimawh hrang hrangte zirho niin, Directorate leh District hrang hrang a manager turte pawh siam fel nghal a ni a, I&PR Department chu Kai App hmang tur hian an inpeih fel thawkhat tawh a ni.

Kai App hi Application chi khat,  Pisa Kai dan phung a hun an vawn dik leh zual theihna tura Sawrkar hnathawkte tana hman tura Mizoram Sawrkarin a duan a ni a. Tun dinhmunah he app hnuaiah hian registered office 409 awm tawhin, hmangtu inziak lut  tawh zawng zawng chu 8170 vel an ni.