IAF te ram lei chungchang chhui tura ngenna PM leh India President hnenah RS MP Pu K Vanlalvenan a thehlut

07 Feb 2026: Rajya Sabha MP Pu K.Vanlalvena chuan vawiin khan India Prime Minister Pu Narendra Modi leh India President Pi Droupadi Murmu te hnenah Mizorama Indian Air Force te hmunhma lei chungchanga thil dik lo awm te chhuitu tur Central Investigating Agency-te tir lut tura ngenna a theh lut.

Pu K.Vanlalvena chuan ram venhimna atana thil pawimawh Mizoram chhunga din hi Mizo mipuite hian kan pawm a. Chutih laiin mi hlemhle leh pamhamten diklo taka sum an siamna hmanrua atan kan ram leilung hman kan rem tih loh thu Prime Minister leh President te hnenah hian ziakin a thlen a ni.

Mipui pawisa Central sawrkar sum Indian Air Force te tana ram lei dan a thil dik lo awm zawng zawng te chhui chhuak a, dikna hailan anih ngei theih nan Sawrkar laipui hnuaia dan bawhchhiatna chhuitu (central investigating agency) te hnena a rang thei ang bera thupek siam turin Prime Minister leh President te chu a ngen a ni.