15 Oct 2024: Sports & Youth Services Department chuan ni hnih (2) awh tur Seminar on Sports Medicine and First Aid, Sports Psychology and Method of Training a buatsaih hawnna hun vawiin chawhma lam khan Sports Conference Hall ah neih a ni. Department Coach te bakah Khelo India State Centre of Excellence (KISCE), district Khelo India Centre(KIC) Coach te leh Scouts & Guides, Adventure Wing Staff te an tel a. Mi 55 chuang an training.
Pu Lalramsanga Sailo, Secretary, Sports & Youth Services Department chuan training hawnna inkhawm hi a hmanpui a, Sports Department coach te chu Mizoram thalaite hmasawnna, eizawnna, ruihhlo laka fihlimna leh nungchang siamthatna kawngah an mawhphurhna a sang hle tih a sawi.
He training-ah hian infiammi te performance tih that dan tur te, hriselna, himna, ei in chungchang leh hmasawnna tur hrang hrang te zirho a ni dawn a ni. Resource person atan Dr.C.Zonunsanga, SRH-ZMC, Falkawn; Pi VL Muanpuii, MHSSP, NHM leh Dr. C.Lalfakzuali, Mizoram University te sawm an ni.
Department hnuaia Coach-te hian Mizo thalai engemawzat training an pe tawh a, International leh National level infiammi langsar tak takte an lo chherchhuak tawh a. Sports Department hian an Minister hmalakna hnuaiah Vision Olympics 2036 nei mekin, Talent Identification, Village Level Coaching leh infiammite dawmkanna tur chi hrang hrang Public Private-Partnership hmangin a ngaihtuah mek a ni. Tunhnaiah khan Incentive Cash Award for Meritorious Sportspersons mi 416 hnenah an sem a ni.
This website uses cookies to improve your web experience.