30 Sept 2025: Tunlai hian India ram hmun hrang hrang ah Influenza natna a leng mek a, he natna hi Mizoram chhungah pawh hmun hrang hrangah vei an awm tih hriat a ni a, Lunglei District ah pawh School pahnih lai mai hrileng avang hian khar alo ni tawh a, he natna hi inkaidarh theih anih vangin mipuite kan fimkhur nan a hnuaia invenna tur te hi zawm ngei turin kan inhriattir a ni.
1. Natna lanchhuah dan tlangpui
a) Khawsik, Luna
b) Taksa na, sil themthum , Ruhna leh Chau
c) Thawhah
d) Hritlang,Khuh
e) Hrawk na
f) Naupangah Kawthalo leh luak a awm thei bawk
2. Natna inkaidarh dan
a) Mihring leh mihringah
b) Khuh leh hahchhiau atangin
c) Kut a thil kan khawih atangin
3. He natna laka fimkhur ngai zualte:-
a) Raipuar
b) Nausen
c) Kum upa lam
d) Natna benvawn nei
e) Hun rei tak chhung damdawia in enkawl ngai te
4. Invenna:
Tih loh tur te:-
a) Puipunna hmuna awm tam loh
b) Mit, Ka leh Hnar te khawih loh tur
c) Midang nen kut leh kut in vawn / inchibai loh hram nise
d) Mahni rinthu a damdawi ei loh tur
Tih tur te:
a) Hmui leh ka te, khuh leh hahchhiau in inhup thin tur a ni
b) Sahbawnin kut fai taka sil thin tur a ni
c) Thil tuiril in tam tur.
d) Hritlang khawsik kan neih chuan midang te hnaih lo a awm nise. loh theih loh anih pawh in Face Mask hman thin tur a ni.
e) Influenza natna inringhlel te chuan doctor rawn nise.
He natna hi mi tam zawkin an dampui mai laiin mi thenkhat te ah chuan enkawlna mamawh zual an awm theih avangin ni hnih khat hnu a hmasawn em em a awm loh a, thawk lama harsatna te kan neih chuan doctor rawn a damdawiin pan vat tur a ni. (DIPR)
