19 June 2025: Vawiin khan Empowered Committee on Investment leh sawm bik mi pawimawh te chu Pu Lalduhoma, Chief Minister hovin CM office-ah an thukhawm a. An thutkhawm hmasaa an thurel bawhzuinate an thlirho.
Pu Lalduhoma chuan, tunhmain sawrkar lam chan chhe tur sa rana Company te nena MoU ziah a lo awm tawh thin. Sawrkarin sum a chawi fo va, han bantir (terminate) duh pawha ban hleih theih loh MoU te pawh a awm. Hetianga sawrkar lam chan chhe sa rana MoU ziah hi kan sawrkarah hian awm tawh lo se kan duh a. Sawrkarin a chhiatpui loh tur, kan duh dana MoU kan ziahpui theih chauh hi inremna siampui ila, a thei lo chu ziahpui lo mai ila, tih hi kan rilru a ni, tiin sawrkar ngaihdan a sawi a. Chu mi hnuah an zirchianna te report an ngaithlain an sawiho.
He committee hian June ni 11 khan Sawhthing leh thlai dang processing unit rawn din duh company pathumte draft Memorandum of Understanding endiktu tur mi a ruat a. Company te draft MoU hi sawrkar tan pawm vek theih a nih hmel loh avangin sawrkar duh dan chiang taka tarlanna (Expression of Interest) siam ni se, company te hi hriattir thuai ni se, a tul chuan company dang pawh hriattir ni se, an ti.
Meetingah hian Pu PC Vanlalruata, Agriculture Minister, Pu F. Rodingliana, Commerce & Industries Minister, Pu TBC Lalvenchhunga, Adviser to CM, Dr. KC Lalmalsawmzauva, Adviser to CM leh official pawimawh te an tel a ni. (DIPR)
