Nimin (Sept ni 13, 2023) khan Thingfal Community Hall-ah SEDP 2nd phase beneficiary-te’n APR Sign-in Training an nei nghal. He huna kalkhawmte hi Khawmawi, Thlengang, Mamte leh Thingfal-te an ni a, Line Dept-te’n SEDP Kalphung leh thil tumte hrilhfiahna an nei a, Dr.K.Pachhunga MLA, Lunglei South bialtu chuan khuallian niin he programme hi a hmanpui a ni.
Khuallian chuan Pathian zarah Covid-19 hun harsa kan paltlang zel ang a, MNF Party-in a thutiam SEDP Nuai 3 hi kan sem zel dawn a, mirethei harsate tan Zalenna Dar kan vaw ngei dawn a ni, a ti. Mi taimate tan inbultanna tur Tangka kan pe dawn che u a, harsatna intawk anih pawhin kan hlamchhiah dawnlo che u a, MNF chuan kan pui zel dawn che u a ni, a ti.
Kan Ram leh Hnam damna hi MNF Sawrkar leh Party-ah hian a awm a, kan chhehvel Zo-Hnahthlakte Pu Zoramthanga chungah an lawm a, MNF Sawrkarin hmangaih taka a lo tuam hlawm hi an ngaih a ngam a ni, a ti.
Dr K Pachhunga MLA chuan MNF MLA, Minister-te hi ‘Eiru lo turin intiam a ngai ve lo, kan eiru lo va, fiah kan ngam bawk’ tiin, Zoram mipuite tawngthei, tawngkam thiam em em, mi nghetlo pawlsawn dun dunte thusawi lakah lo fimkhur turin ka chah duh bawk a ni, a ti.
Thalaite leh zirlaite tan SEDP atangin ruahmanna kan siam zel dawn a, in naktuk tur hi MNF Sawrkarah hian a awm a ni, a ti. Nimina SEDP APR Sign tute hi, Agriculture, Industry, Horticulture leh Vety Dept. atangin mi 364 an ni.
